राधेश्याम महिला जागरण समूह धरान सुनसरीको २५ औ बार्षिकोत्सव सम्पन्न

महिलाहरुलाई सनतनी धर्मप्रति आस्थावान बनाउदै धर्मप्रति उत्प्रेरित गर्ने उद्देश्यले गठन भएको राधेश्याम महिला जागरण समूह धरान सुनसरीको २५ औ बार्षिकोत्सव सम्पन्न गरेको छ ।
भिज्युवल
एक बर्ष अगाडि धरान १२ गीता मन्दिरमा कृष्ण अष्टमीको दिन सम्पन्न अधिवेशनबाट अध्यक्षमा सावित्रा आचार्य चयन भएसँगै संस्थाको गतिविधिलाई अझ तिब्रता दिएको हो । २५ औ बार्षिकोत्सवमा संस्थाले हिन्दु सनातन धर्मप्रति आस्था राख्ने तथा प्रत्यक्ष तथा अप्रत्यक्ष रुपमा सहयोग पु¥याउने व्यक्तित्वहरुलाई सम्मान समेत गरिएको थियो ।
सो अवसरम बोल्दै माता श्री सीता भारद्वाजले धेरै बोल्नुभन्दा कम बोल्नु, सबैसँग सद्भाव कायम राख्नुपर्ने धारणा राख्दै मानिसमा मात्र कमीकमजोरी हुने तर्क राख्नुभयो । गल्तिलाई स्वीकार्दै सुधार्दै गएमात्र सही व्यक्ति बन्ने उहाँको धारणा थियो ।

यस्तै प्रमुख आस्थी श्री १०८ आस्वीनि वेदप्रकाश महाराजले गीताको सारलाई मनन गरेर अगाडि बढ्न सके भगवान प्राप्ति हुने धारणा व्यक्त गर्नुभयो ।

यस्तै राधेश्याम महिला जागरुण समूहकी अध्यक्ष सावित्रा आचार्यले आफूहरुको एकतावद्ध प्रयासले देश विदेशमा रहेका भक्तहरुमाझ परिचित गराउदै धरानलाई धार्मिक पर्यटकको रुपमा चिनाउने लक्ष्य संस्थाको रहेको बताउनुभयो ।

विगतदेखि नै यो संस्थाले महिलाहरुको सक्रियतामा सनातन धर्ममा आस्था राख्ने महिलाहरुलाई एकत्रित गरी महिला जागरण अभियान निरन्तर गर्दै आइरहेको छ ।